Ծովային կլիմա կամ օվկիանոսային կլիմա, ծովին մոտ գտնվող տարածաշրջանների կլիմա, աչքի են ընկնում օդի ջերմաստիճանի օրական և տարեկան ոչ մեծ ամպլիտուդներով, բարձր հարաբերական խոնավությամբ, հով ամառներով և մեղմ ձմեռներով (բարեխառն լայնություններում), բարձր ամպամածությամբ, որն առաջացնում են ինտենսիվ ցիկլոնային գործունեությունը և ուժեղ քամիները։ Ծովային կլիմայի պայմաններում ամենաբարձր և ամենացածր ջերմաստիճանների հասնելու ժամանակը ուշանում է (ի համեմատ ցամաքային կլիմայական գոտում գտնվող տարածքների) – ամսով, իսկ գարնանը ավելի ցուրտ է լինում, քան աշունը։

Վառ արտահայտված ծովային կլիմա ունի Արևմտյան Եվրոպան, որտեղ ամբողջ տարվա ընթացքում գերակշռում է օդային հոսանքի տեղափոխությունը Ատլանտյան օվկիանոսից: Եվրոպայի արևմտյան ծայրամասում օդի ջերմաստիճանի տարեկան ամպլիտուդները կազմում են ընդամենը մի քանի աստիճան։ Ատլանտյան օվկիանոսից հեռանալուն պես, մայրցամաքի կենտրոնական հատվածում օդի ջերմաստիճանի տարեկան ամպլիտուդները աճում են, այլ կերպ ասած՝ աճում է կլիմայի ցամաքայնությունը:

Ջերմաստիճանի և տեղումների տարեկան միջին ցուցանիշները Լոնդոն
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
բացարձակ առավելագույնը (°C)	14,9	18,5	22,2	27,1	30,6	34,3	35,0	37,3	33,4	28,2	18,9	15,2	37,3
միջին առավելագույնը (°C)	7,7	8,0	10,9	13,8	17,3	20,4	22,9	22,5	19,2	14,9	10,7	7,9	14,7
միջին ջերմաստիճանը (°C)	5,0	4,9	7,1	9,2	12,6	15,6	17,9	17,6	14,9	11,4	7,7	5,3	10,8
միջին նվազագույնը (°C)	2,4	2,1	4,0	5,3	8,3	11,3	13,4	13,3	11,1	8,2	4,8	2,6	7,2
բացարձակ նվազագույնը (°C)	-16,6	-16,1	-11,1	-4,9	-2,4	1,4	2,4	0,2	-0,4	-5,7	-9,1	-16,1	-16,6
տեղումների քանակը (մմ)	56	41	42	42	51	45	44	49	48	69	57	55	599

Կլիմայական փոփոխությունները և նրանց ազդեցությունը Հայաստանի վրա

Կլիման տվյալ տարածքի համար բնորոշ մի ամբողջական  հանրագումար է: Օրինակ՝ գարնանային որոշ օրեր կարող են լինել անձրևոտ ու խոնավ, բայց հիմնականում Հայաստանում  գարունը լինում է արևոտ և տաք՝ չնայած, որ առանձին գարնանային օրերը խոնավ են, բայց կլիման կամ սովորաբար տիրող եղանակը՝ չորային է: Կլիմայի փոփոխությունները հանգեցնում են գլոբալ տաքացման, որի հետևանքով բարձրանում է մեր մոլորակի ընդհանուր ջերմաստիճանը: Երբ երկրագնդի վրա տաք է, արդյունքում փոխվում են անձրևների քանակը ու ծովի մակարդակը, որն էլ ազդում է բնության և մարդկանց վրա: Երբ գիտնականները խոսում են կլիմայական փոփոխությունների մասին, նրանք հիմնականում նկատի ունեն գլոբալ տաքացման պատճառ հանդիսացող ջերմոցային էֆեկտը: Ջերմոցում ապակե պատուհանները անց են կացնում արևի լույսը՝պահպանելով ջերմությունը, որի արդյունքում ջերմոցի ներսում շատ տաք է լինում: Սա նպաստավոր պայմաններ է ստեղծում բույսերի աճման համար, այն տարածքներում, որտեղ նրանց աճելու համար բավականին ցուրտ է:Այդ պրոցեսը մենք ամեն օր տեսնում ենք մեր դպրոցի ջերմոցում՝ բույսերը խնամելիս: